Тақдимотдан онлайн репортажни Сайёддан қабул қилиб сайтга қўйиб бораётган пайтим, изохларни хам  шу орада модерация қилиб турдим. Одамларнинг нима учун машхурларни либоси ва бренди хақида хабар бераётганимиз-дан ажабланган-ликларидан, тўғриси, ўзим ажабландим. 

Нахотки Тв кўришмайди? Ахир хорижнинг барча нуфузли маросимларида, албатта мана шуларни хам инобатга олишади ва хабар берилади. Йилига бир маротаба бўлган маросимга, машхурлар   қай тарзда тайёрганликлари ва қандай кўринишда бўлишлари алохида мухим, сабаби шу куни барча фото ва видео объективлар уларга қараган бўлади. Маросимдан сўнг, қанча газета ва журналларни безаш устидаги рақобат нафақат маросимдаги ғолиблик балки, айнан кўринишга хам сабабчи бўлади. 

Шу сабаб Бренднигох ташкил қилгандигу.... атиги икки ёки уч иштирокчида машхур бренддан либослар бўлиб, қолганлар Туркия ва "Уйда ўзим тиктим" брендидан бўлгани боис, бу хит парадни бошқачароқ ва янада кенгроқ , яъни ДидПарад тарзида ўтказишга қарор қилдик.

Холис эксперт, Гламур оламининг профессионал мутахассиси, сайтимиздаги МТВА-2012 тақдимотидан қўйилган суратларни кўриб, ёзилган брендлар билан хам ўз фикрини билдиради. Шунингдек, энг аъло кўринишга эгаларни хит парадини тузади.

Дид бўйича профи бу экспертимиз аноним бўлиб қолишни лозим топди.

-Аввало менга айтилган брендлар билан уларни дидини химоялай олмайсиз, сабаби бренд либоси дидни кафолатламайди ва ярашмаган бўлса,  бренд учун ўрин бериш нотўғри, шунинг учун, умумий кўриниш ва дидни хисобга олган холда бахо бераман. Бунда албатта маросимга лойиқлик хам мухим ўринда бўлади. 

Йигитлар:

12-ўрин Рустам Сагдуллаев. – Бундай кофтани  хеч қачон костюм билан кийиб бўлмайди, сабаби узор ва принт туширилган бундай кофталар асосан джинси билан кийилади.  "Тем более" қип қизил ранг эмасда энди. Унинг шу кунги кўриниши умуман тақдимот маросимига мос эмас.

11- Зиёданинг турмуш ўртоғи. Костюмдан свитерни бу турзда чиқиб туриши "дурной тон”. Агар у кўйлак манжети ва унга тақилган запонки бўлганида бошқа гап эди. Оёқ кийимига хам эътирозим бор, ботинками  у,  ё этикми тушунарсиз. Умумий кўриниши  маросимига тўғри келмайди.

10-Озодбек Назарбеков. (Костюм: Alex Madunts ) Озодбекка бу ранг ярашмайди, унга кўпроқ шоколад рангидаги костюм ярашади. Кўйлак ранги хам нотўғри танланган, агар оппоқ  ёки тўқ бардовый ранг бўлиб,    шоколад   ёки қора костюм билан кийилганида,  тақдимот учун байрамона кўриниш бўларди. Озодбекка хаки ва исириқ рангидаги либослар ярашмайди.

9-Ғуломжон Ёқубов. (Костюм Cio Mito) Шу ёшда хам мана шундай дид билан ўзига қараб юриш хаммага хам эмас.  Бу тарафига Ғуломжон акага беш кетса арзийди. Лекин жилетка ва галстукига эътирозим бор.  Бу ёшдаги инсон учун бундай кўринишдаги  жилетка ва галстук бачкана.

8-Рихситилла Абдуллаев. (Костюм-шим,  кўйлак ва бабочка  Morandi Bocci ) Костюм жуда қизиқ, лекин унга джинси ярашган бўлармиди балки.

7-Йигитали, (костюм: Ramsey) унинг костюмини сал бўлса хам "приталенный” (вужудга ёпишиб турадиган) қилиш керакмиди.  "Посадить по фигуре” (қоматга мослаштириб) дегани яъни.  "Костюм нужно посадить по фигуре”.

 6.  Жахонгир Позилжонов. (Костюм FC) Оёғидаги макасина принт, узор ё "вышивка”ми билмадиму лекин,  умумий ансамбльга тушмаган,  тўғри, қизил шим, қора клуб пиджак ва бабочка бу  замонавий тренд лекин,  бу холатда оригинал кеды ёки вилюр(духобали) пойабзал кийиш керак эди.

 5-Шохруххон унга "приталенный ва удленнённый” ( танасига ёпишиб турган ва узунроқ кўрсатадиган)  костюм ярашади,  "стройнит” (қоматлироқ кўрсатади)  яна танлаган костюми вертикал " в полоску” (йўл-йўл) ва у одамни бўйини визуал равишда янада баландроқ кўрсатади.

4 - Сайёд. (Костюм: Dolce&Gabanna, кўйлак: Gucci, туфли: Yves Saint Laurent )  Албатта ёзилган брендлар жуда машхур, кўриниш хам аъло даражада, жуда ярашган. Фақатгина қўлини кафтидаги қизил боғланган нарса тушунарсиз. Билмадим,  мабодо шу кунги либосга артрибут эмас, шунчаки суратда қўлида ушлаб турилган нарса ўралган бўлса, бошқа гап. Агарда бу кўринишга яна бабочка хам бўлганида,  бу маросимга тўлиқ  тушарди ва унда бу рўйхатда сўзсиз биринчи ўринни Сайёдга берган бўлардим. 

 3—Алишер Мадумаров.  Кўриниш харизмасидан ундан Голливуд юлдузи нафаси сезилади.  Эътироз йўқ.

2 – Алишер Файз. Хаммаси ўз ўрнида, "элегантно” кўринади, бу маросимга хос кўринишди.

1 – Рашид Холиқов. (Костюм-шим: Armani, кўйлак: Billionaire, Бабочка: TOM FORD, Туфли: Feru) Дорого! Стильно и Гламурно! Айниқса қора  тугмачалик оқ кўйлак жуда қизиқ. Бабочка хам машхур бренддан эканлиги яққол кўзга  ташланади, бир хилларникига ўхшаб официантларникидек эмас. Рашид шу кунги бир сўз билан зодагон!

Навбат қизларга

12 -  Афсуски йигитлардан биринчи ўринни олган Рашиднинг рафиқаси, аёллар дид парадида энг охиргиси. (Кўйлак: Dolce&Gabanna, Сумка: Prada, Этик: Gucci)  Юқорида айтганимдек, бренд инсонни дидини химояламайди ва харқанча  эгнидаги нарсалар машхур бренддан бўлмасин, уни уйғунлаштира билиш хам керак. Будай маросимга этикда келишни ўзи нотўғри!  Сумка чиройлик... Макияж ва соч турмаги дахшатли равишда ярашмаган.

11- Каниза. Хеллоуин байрамига келгандек либосда. Ичидаги кўйлаги билмадим қандайку, лекин бу кўриниш жуда дидсиз. Пешонасига нисбатан бундай хажмдаги  артрибут жуда катта, бунинг учун шунга яраша пешона хам бир гектар   бўлиши  керак.

10- Мадина Мумтоз. (Либос Balo)  Эгнидаги либос катта ёшдаги аёллар либосига ўхшаб қолган. Фигурасига урғу берадиган тарзда бўлиш керак эди. Олдидаги драпировкалари ва банти қорнини катта қилиб қўйган. Бардовые кружева ва гипюрлари жуда чиройлик лекин,  Мадинага жудаям ярашмаган, устида кулгулик турибди, уни семиртириб, гавдасини катта қилиб  қўйган.

9. Лола. (Либос Hand-made, туфли Christian Louboutin ) Биласизми шу маросимдаги энг қизиқ либос Лолада бўлгани билан,  уни тикилиши ва Лолада туриши тушмаган. Семиз  ва  беўхшов вужуд қилиб қўйган.  Кўриниб турибди,  қўлда тикилган мунчоқлар, бу жуда катта машшақатни талаб қиладиган майда иш.  Ойлар давомида тикилади.  Лекин Лоланинг сўнгги концертидаги рокерша кўринишидан кейинги мана бу кўриниш...бу аниқ Лола эмас! Если она бунтарка, пусть она уже будет до конца бунтаркой! Лолани стилида эмас бу либос.  Тушмаган ва кўришмаган бу либос , бировни кўйлагини  кийиб олганга ўхшаб тургандек эгнида.  Пешонани хам ёпиш керак, чунки пешонаси катта. Макияж хам умуман ярашмаган. Бўйни хам очиқ, декольтени тўлдириш учун бўйнига колье зарурдек кўринмоқда.

 8. Юлдуз Усмонова. Бошидаги шапка тренд (замонавий, тенденцияда) йўналишида ва кечанинг "стильная штучка”си дейиш мумкин. Афсуски суратда либос яхши кўринмаган , шунинг учун кўрган нарсамни бахоладим, лекин шу кўринганини ўзи мана шу кечанинг "стильная штучка”си дейишга лойиқ.

7. Зиёда. (либос : Maxmara, Hand-made-туфли: Дилдора Қосимова) Кўриниши, макияж соч турмагиям аъло тарзда. Хаммаси жойида, кўринишни умумий  бахолаганда дорого, стильно ва дидли.

6.  Шахноза Ғаниева, у хамиша дид билан кийиниши сир эмас . Генлар ўз ишини қилади ва Райхонга  стиль ва дид деган нарсалар шу холасидан қондан ўтган бўлса керак. 

5. Шахзода. (Либос:  Rick Owens , Клатч:  GULI) Менга энг ёққан либос.  Жудаям чиройлик кўринишда, либос, пиджак ва айниқса Гули брендидаги клатч мос тушиб ярашган. Макияж хам аъло, фақатгина соч турмагини бошқачароқ қилган бўлардим.

4. Муниса Ризаева. Либос жудаям чиройлик, жуда нафис.  Лекин назаримда бу ранг Мунисага тўғри келмайдиганроқдек туюлди.  Шунингдек бу либосга унинг сочларини юқорига йиғиб турмаклаган бўлардим.

3. Райхон. (Либос: Hand-made-Анжела, туфли: Christian Dior) Либос  Валентино дизайнери эскизларига мансуб бўлсада,  Анжела деган тикувчиси тиккани ёзилган экан.  Эгнида жудаям беғубор турибди.  Лекин пардани материалидан тиккандек ўхшаб турибди.

2. Асаль Шодиева. (Либос: Hand-made)  Бухоро зардўст вышивкаси модерн билан уйғунлаштирилгани жудаям оригинал, қўлидаги клатч хам худди шунга мос вышивкаси билан.

1. Гулнора Каримова.  Шик, блеск, красота! Бошқа таъриф ортиқча бўлса керак.

Мана шундай дид-парадни қилиб берган санъат оламидаги жуда машхур гламур мутахассиси аноним қолишни истагани унинг хуқуқи.  Сайтимиз лидери Сайёд кетишидан аввал турли тадбирларда фаол кўрина бошлаб, хатто хит-парад ва дид парадларни хам юқори поғоналарини эгалламоқда.

Машхурлик мазаси ёқимли сезилмоқдами ё кетиш олдидан; "кетиш бўлса байрамона бўлсин" тарзида якунлашми, бу энди унинг танлови.

 Асосийси сайт рахбаримиз улгуряпти,  уддалаяпти, ва эплаяпти. Афсус... билганимда тўйда тақилган бренд бабочкаларини ўзим тақдимотга олиб бориб тақиб қўярдим, шунда экспертимиз айтгандек, биринчи ўрин сайт лидерида бўларди)).

 (Ўнг тарафдаги журналист қиз сурати, табиий узун ва гўзал сочлари учун   дидпарад суратларига  хотима қилади)

Сиз билан Шахло бўлди. Ха, ўша Қодирова Шахло)). Янги 2013 йилдан кўп мулоқотда бўламиз, ўрганиб бораверинг менга.

Хозирча хайр!))

Ёрдамчимааааан, ёрдамчииии))))

P.S:  Бу тайёр мақолани суратлар ва тахрир билан сайтни ўзига жойлаштиришга нақ 5 соат кетди! Осонмас ишимиз(((