Чирчиқ туманига Қибрайдан ўтадиган йўлни кенгайтириш юзасидан, бирқанча уйларни бузиш хақидаги маълумот юзасидан Қибрайдаги махаллий фуқаролар норозилик билдиришди.

2 июль куни ахоли билан музокарада Ўзбекистон премьер министри Шавкат Мирзияев ва Тошкент вилояти, Қибрай туман хокимлиги иштирок этди.

Учрашув сўнггида Тошкент вилояти, Қибрай туман хокимиятида  йиғилиш бўлиб , унда Фонд Форум қошидаги  "Аёллар кенгаши” хамда "Ўзбекистон ижтимоий масъул фуқаролари форуми” вакиллари иштирок этишди.  Махалла фаоллари саволларига тегишли жавоблар берилгач, уйлар бузилмаслиги, йўллар кенгайтирилмаслиги ва  Чирчиққа бошқа муқобил йўл қурилиб,  Қибрайдаги мазкур махаллий ахоли Бўка хамда Ангрен шахарларига кўчирилмаслиги маълум қилинди.

• Иккинчи воқеа: "Бассейка”

Чилонзордаги 1-кварталда  айлана тарзда бир-бирига рўпара жойлашган учта болалар боғчаси ўртасидаги  боғни махаллий фуқаролар "Бассейка” деб номлашади. Сабаби бир вақтлар бассейн бўлиб, унда бугунги кунда ёши улуғ бўлганлар, бир вақтлар  чўмилиб катта бўлишганини  маълум қилишди.

1966 йилги кучли зилзилада атрофдаги барча уйлардаги одамлар айнан шу ердан панох топиб яшашаганини хам айтишади. Бугунги кунда хотиралар майдони шу жой Гулнора сабаб сақлаб қолингани учун унга ташаккур айтишмоқда...Лекин, келинг бир бошдан:

Интернет оламида "Бассейка” атрофида яшовчи ёшларнинг ёрдам хақидаги бонги ура бошлагач, бу манзил диққат марказига айланди. 

Шу уйларнинг бирида истиқомат қилувчи  ижтимоий масъул фуқаролар  форуми гурухи  фаоли Нелли Керимованинг, куни кеча  Инстаграмда "бассейка”ни суратга олиб жойлаштирилган ва  нафақат ижтимоий масъул фуқаролари форуми раиси , балки маъсулиятли  фуқаролик  тарафдори эканлиги билан хам таниш Гулнора Каримовадан ёрдам сўраб мурожаат қилишганида, воқеалар ривожини кўпчилик  янада қизиқиш билан кузатишни бошлади. (манба)

Гулнора унга  барча шикоятларни шахар  хокимияти ва Президент девонида расман рўйхатдан ўтказиб, мурожаатлар нусхасини  Фонд Форум қошидаги "Ўзбекистон ижтимоий масъул фуқаролари форуми”га топширишини маслахат беради.  Шу билан худди 2008 йилдаги имконияти чекланганлар мактабини таъмирлашни ўз назоратига олганидек,  ушбу холатни хам ўз назорати остига олади.

Жавоб ўзини узоқ куттирмади. Асосийси амалдаги жавоб зудлик билан ижобий тарафга ўзгарди.

Куни кеча ижобий натижага эришилгандан кейин, Гулнора инстаграмда мазкур холат юзасидан арз қилган Неллига табрик битди:  Чилонзор ахолиси ва сизларнинг ижтимоий масъул гурухингизни хурсанд қилмоқчиман,  ахоли яшайдиган даханинг ўртасидаги машиналар тўхташ жойи қурилиши  бекор қилинди. Муаммони хал қилишга Вазирлар махкамаси хамда бошқа давлат ташкилотлари қўшилди.  Муаммога бефарқ бўлмай, уни хал қилишдаги оператив харакатлар  учун рахмат!

 Биз эса воқеа жойига йўл олдик.

Рости хам, сўлимгина бу кичик боғ атрофи ўралган уйлардаги одамлар учун, дарахтли майдонча  оромгохнинг ўзгинаси. Асосийси уч болалар боғчаси ўраб турган "Бассейка” болажонлар учун энг аъло жой. Боғчалардан ташқари яна имконияти чекланганлар  мактаби хам шу атрофда мавжуд.  Айнан шу мактаб қаровсиз холатдалиги сабабли  Фонд Форумнинг "Мехр нури”  ташкилоти орқали қайта таъмирланганди.

Бу ерда мошиналар тўхташ жойи қурилгач, атрофдаги уйларда яшаш азобга айланиши тайин эди, мошиналар товушидан то  хаво бузилиши, деразаларни очишга йўл қўймасди.  Кейин бу майдонга фақат уйлар орасидан кириш керак бўлишини инобатга олса,  нафақат  атрофдаги уч боғча ва имконияти чекланганлар мактабидаги болалар хаёти хавф остида қолиши балки, шу атрофда яшовчи барчани турмуш тарзига катта ноқулайлик хам келтириши табиий хол бўлиб қоларди.

Уйлардан бирининг домкоми Феруза опа;- Гаражлар олиниб, ўрнига мошиналар тўхташ жойи қурилиши хақидаги қарор билан боғлиқ холатлар , бизда негадир айнан шу "Бассейка”дан ечим излади. Албатта атрофда яшовчи барча норози, сабаби учта болалар боғчаси билан ўралган майдончада нафақат болалар, балки ёши улуғлар хам дам олишади. Турли идораларга шикоятлар билан мурожаатларимиз эса натижасини бермади ва қаранг-ки, ёшларимиз уддабурон чиқди. Улар Гулнора Каримова таъсис этган Ўзбекистон ижтимоий масъул фуқаролари форуми  орқали майдончани  сақлаб қолишга муваффақ бўлишди.

Уй тагидаги спорт зали рахбари Николай:- Бу мавзу юзасидан арз қилганимизда, унга келган жавобдан хайратда қолдик.  Жавоб хатида болалар ўйингохини ободонлаштириш дея туриб, унинг ўрнига мошиналар тўхташ жойи қуриш ғалатимасми? Нима учун ўша бузилган гаражлар ўрнига мошиналар тўхташ жойи қурилмайди? Хаммаси оддий ва элементарку: ўринга ўрин ва   болалар ўйингохи бу муаммодан жабр кўриши  ахмоқликдан ўзгаси эмас.

 Қизиғи, бу муаммога мана шу тарздаги  ғалати жавобни олгач,  барча шикоятларимиз четда қолаётгани алам қилди. Ёшларимиз Гулнора Каримовага интернет орқали мурожаати натижасида, муаммо хал бўлганидан хамма унга рахмат айтмоқда.

  Воқеа жойидан видеода  Нелли Керимова  хамда Чилонзор ахолиси вакиллари сўзлайди:

Майтуб тасиксда томоша  

Ютубда томоша

• Учинчи воқеа: "Пулларни бераман!”

Ижтимоий тармоқларнинг бирида, 9 ёшлик қизининг оёқ суяги рак эканлиги, бирқанча кимёвий даволанишдан ўтиб,  қизининг оёғини кесиб ташлаш кераклиги ва фақат Хиндистонда оёғини кесмай даволаш мумкинлиги ва бунга эса 35.000 доллор керак бўлишини айтиб, онаизор чин дилдан мурожаат қилиб, Гулнорадан  ёрдам сўраган. Қибрай туманида бир хонали уйда яшайдиган оила ночор ахволдалиги ва бундай пулга умуман имконияти йўқлиги илтимосда айтилган.

 Гулнора Каримова:- Хаммага бирдек ёрдам қила олмаслигимни биламан. Интернет тармоғидаги шахсий аккаунтларимга фожеалар билан мурожаат қилишларини ёқтирмайман. Ахир мен хам ИНСОНМАН-ку! Менга хам нафас олиш учун худуд керак, ва буни хурмат қилишларини сўрардим. Лекин юраги бор инсон бўлганимдан кейин, мактубни бефарқ ўқий олмадим ва мен ХУДОга ИШОНАМАН! 

Пулларни бераман. Худо хамиша йўлларимизни нурафшон этиб, юрагимиз Уни нидосини эшитиб турсин! Хаммамизга соғлиқ! Омин.

Қўшимча, хотима ва хулосам йўқ...

Sayyod