25 сентябрь куни Озода Саидзоданинг оналари Раънохон аянинг таваллуд айёмлари муносабати билан юбилей, хамда Озоданинг синглиси Нилуфар (барби эмасман қўшиғи билан таниш) ўғли Абдуллохнинг суннат тўйлари муносабати билан, Тошкентдаги ховлисида байрам кечаси ташкил этилди.
Хозирда удумда бўлган ресторан эмас, айнан ховлида қилиш сабаби, айнан Озоданинг ушбу янги ховлиси таъмирланиб бўлиб, кўчиб ўтишлари билан хам боғлиқ.
Лутфан таклиф этилганлар қаторида сайт рахбари Sayyod - Сардор Камилов хам бўлиб, маълум сабабларга кўра, кечага ташриф буюра олмади ва сайтимиз жамоасидан камина Шахло Қодирова ва фотограф Абдурахмон Содиқовлар ушбу тантана кечасидан репортаж уюштирдик.
Кўча эшик олдиданоқ урма созлардан авжида, карнай сурнай. Тожикистонлик "Садои Хўжанд" карнай-сурнай гурухи шу куни қизиқ намойиш қилишди. Буларни видеода кўрасиз.
Машхурлардан Обид Асомов, Дилноза Кубаева, Улуғбек Қодиров, Лутфулла ва Гулчехра Саъдуллаевлар, Ортиқ Отажонов, Умида Мирхамидова, Шахноз , Якзон, Отабек Мадрахимов, Илхом Фармонов, Равшан Комилов, Шахноза Отабоева, Мавлуда Асалхўжаева , Нодир Жўраев, ва Рислиғой Хотамоваларга кўзимиз тушди.
Кечани Дилноза Кубаева ва Азизбеклар олиб боришди. Ва бу кеча яшил стильда ўтди дейиш мумкин, сабаби, Озода, Нилуфар, Дилноза Кубаева ва Мавлуда Асалхўжаевалар худди келишиб олишгандек яшил либосда бўлишди.
Обид Асомовнинг шу кечадаги ёдда қолган сўзларидан: -Озода бўлмаганида Ўзбек санъати анча нарсани йўқотган бўларди -Мени Ўзбекистондаги хатто ит танийди -Тўйларимиз Озарбайжонликларнинг ажойиб тор мусиқий асбобисиз деярли ўтмайди. -Дилноза Кубаева звизда номер one!
Тўйни асосий хонандаю созандалари сифатида Озарбайжонлик мехмонлар Рустам Зейнали бошчилигидаги ВИА "Шерон" вокал чолғу ансамбли ўтказди. Ажойиб ижро! Видеодан бахо берасиз махорат ва ижрога.
Ортиқ Отажонов табриклаб туриб, Озоданинг отасини олдиларига чақирдилар, қизиғи улар Ортиқ ака билан бирга институтда ўқиб, хаттоки қўшиқ хам куйлаган эканлар.
Ортиқ Отажоновнинг шу кечадаги ёдда қолган сўзларидан: -Тўйларга ўзбек қорин тўйғазишга бормайди, Ўзбекни қаерга борсаям қорни тўқ, Америкага борса хам. Дийдор ғанимат, кўришиб, ўйнаб кулиб, юрагини ёзиш учун боради тўйга ўзбек. -Озодани Худо берган овози бор, хали бу овозлар жуда қадр бўлади, тополмай юришади. Уни томоғидаги овозни хеч ким ололмайди. Уни эшитиб ман маза қиламан, баъзи пайтда тўғриси юракларим эзилиб хам кетади. Озода Ўзбек санъати тарихида хисобли санъаткорлар қаторида. -(Озоданинг онасига қарата): Шундай санъати булбул қиз туғиб қўйибсиз, уни ўзингиз эшитиб хам ёшараверасиз.
 Равшан Комилов икки қўшиқ, бири она учун иккинчиси тўйбола учун деб... уёғига ўғиллари Фаррух Комиловнинг "тарам-тарам"ини хам куйлаганларида санъат оламининг деярли барча вакиллари шокка тушди)). Мана шу холатдан видеога ёзиб олиш хам ёдимдан кўтарилибди.
Энг кульминацион нуқта бу Озоданинг яна бир тўйга таклифи бўлди: "Яна икки ойдан кейин тўйга келарсизлар"... Хамма қийқириб юборди, ахир Озодани турмушга берамиз! 
Саъдуллаевлар оиласи хам табриклаб...кутилмаганда Лутфулла ака хам куйлаб юбордилар... қандайдир бир ээээски қўшиқлардан бирини... Кўпчиликка бу эриш туюлгандек сезилди. 
Умуман файзли ва завқли ўтган кеча, соат 23лардан ошганида чироқ ўчишидан кейин тугай бошлади. Вахоланки доирачилар бу орада зериктиришмади.
Энди видеони томоша қилишингиз мумкин ва ундан хаммасини ўзнгиз хис этасиз. Шу қатори Дилнозахон Кубаеванинг хоразмча рақсларини хам))
Фоторепортаж Абдурахмон Содиқов Видео ва воқеа жойидан батафсил репортаж Шахло Қодировадан
| 
1
