Ва нихоят 4 январь Жума куни эрталабдан Қон марказига отландик. Қон марказига кириб келганимизда  бизни ўзгача хурсандчиликда кутиб олишди ва у ерда доимгидек биздан бошқа одам йўқ эди.. Доктор ва хамшираларга вазиятни тушунтириб берганимизда улар жуда хафа бўлиб, ўз фикрларини бирма бир билдира бошлашди. Донорлар бўлими бошлиғи эса каааатта қоғозда шахсан Сардор Камиловга илтимоснома ёзиб, албатта фикрларини  ўзгартиришлари хақида ўйлаб кўришларини  видеоинтервьюда   сўрадилар.

Қон марказидан чиқиб, янада мураккаброқ иш, Гемотология институти болалар бўлимига йўл олдик. У ердаги бу вазиятдан хабар топганларни кўрсангиз эди... Беморлар хам бирин кетин чиқиб Sayyod.com ва Сардор Камилов ўз иш фаолиятини хеч қачон тўхтатмаслиги кераклиги ва улар албатта ўз фикрларини ўзгартиришларига ишонишлигини ўзларининг илиқ фикрлари орқали билдиришди. Хохлаганлар эса қоғозларга ёзиб хам беришди...

   Энди эса кундаги энг асосий  вазифамизга хам етиб келдик. Кўчада тинмай қор ёғмоқда. Соат чамасси 15:20 дан ошганди. Шу совуқ хавода бўлсада, анчагина одам тўпланди. Панароқ жойга ўтиб, қоғозларга ёзувларни ёза бошладик. Хаммада хааар хил ёзувлар, лекин асосида бир хил мазмун: "Сардор Камилов, кееетманг!” ))) 

   Хамма тайёр! Кутмоқдамиз…    Искандар Сайёдга тел қилиб алдаб пастга чақирди, бир икки кун аввал Сайёддан қорда суратга тушиши учун фотоаппаратидан фойдаланишни сўраган экан, шу бахонани қўлладик.  Аввалига Сайёд тушишни истамади, олдиндан огохлантирмайсанми ишлаб ўтирибман, ундан кўра уйга чиқ деди. Амаллаб Искандар кўндирди.

  Эшик очилди…

Чопон ва кепкада Сайёд! 

Хамма қўлидаги ёзувларни баландга кўтарган, бақиргааан.. 

Сайёд  в ШОКЕ! ))) Бироз тушунмай қолдилар ростдан хам))) Қўлларида ОлмаЧа))) Аввалига қўрқиб кетиб, шоша-пиша: –Бугун мани туғулган куниммас, адашдинглар деди Кейин Иззатиллани кўриб, бу қандайдир лойиха ва "розыгрыш" съемкаси деб хам ўйлади. 

  Кейин нима бўлаётганини тушунтиришга тўғри келди. Искандар Шукуров сўз бошладилар. Сайёд эса хамон қоғозлардаги ёзувларни ўқиш  ва уларни  тушунишга харакатлааар билан банд эдилар.

Шок холатида хатто қочиб уйга кириб кетмоқчи хам бўлдилару, шунча одам уларни аллақачон подъезд эшиги тагидаги бурчакка тақаб қамал қилиб тургандик))

  Плакатлар орасида Сайёдга мен ва Нодира тарафидан тахдидомуз шантаж мисралари битилганлари хам бор эди, масалан "Сайтдан кетсангиз суратингизни катта қилиб қўйиб ХОИН!” ёзуви билан қўямиз ва "Кучли домлага бориб иссиқ совуқ қилишдан хам тоймаймиз” кабилари бор эди.

Сўнг сўзни Шохруххоннинг маъмури Иззатилла давом эттирдилар. Шоира ва бастакор Шахноз хам қўлларида қоғоз ушлаб "Sayyod Forever” деганларида, Сайёд "Вой Шахноз, келинг панага, қор ёғвотти, совуқкууу” деганларида, Шахноз "Қоламан деган жавоб олмагунимизгача шу қорда тураверамиз” дедилар ва хамма кулиб юборди. Хамма ўз фикрларини билдирди, икта торт ва бир сумка  ширинликлар билан хам аврадик, албатта! (Бусиз бўлмасди хамдеее))))

   Шундаааай қилиб, менимча, шу кун олдимизга қўйган мақсадга эришдик деб умид қилиб қоламан ))) энг долзарб куннинг энг долзарб мавзуси бўлган бу - "Сайёдни сайтда қолишига кўндириш” миссияси бўлди.

 Сайёд:- Кошки хаммаси шундай осон ёки мани хархашам бўлса эди... 

Лекин совғага қараб яшаш ғалатику. Ўзим учун керакли нарса сотиб олганимни эслай олмайдиган даражага етдим, зўр бу албатта, умуман фантастик хаёт рости, совғалар, совғалар, яна қимматбахо кийим кечаккача борди.  Қуруқ хурмат ёки кумирлик ортидан яшай олмайманку.    Ўзим ишлашни истайман, сайтдаги фаолиятим куну тунимни олса хам, жиддий қабул қилолмайман. Уйланмагунимча хатто шахсий хаётим хақида ўйлашга хам вақт бўлмаган бу фаолият орқасидан яна айбловлар, тухматлар кўпаявергач, шартми шу нарса деб ўйланибам қолдим.

Бугунги бу пикет эса умуман шокка туширди. Фанклубдагилар билан бир қаторда Шохруххон продюсери Иззатилла, Шербек Шодиев продюсери Искандар ва хонанда бастакор ва шоира Шахнозлар хам шу совуқда келиб, иштирок қилиб, айтган гаплари мани жудаям уялтирди. Вазиятга бошқача қарай бошладим.  Савоб ишни бошлаган, ярим йўлда кетиши гунох дейишди хам, сен учун хоббидек нарса аслида қай даражага етганини ўзинг сезмайсан, одамларни ўргатдинг шу сайтда, кимдир ўзига нимадир олиши, пикетдаги мухлисаларни кўз ёшлари ва ўзинг йиққан форум жамоасидаги қора кўзларни ташлаш энди инсофданмас деган гаплари қулоғимда хануз жарангламоқда. Айниқса шифокорлар ва бемор болакайларнинг оналари ёзиб юборган хатлари, бугун қон топшириш марказида кутишгани бу хаммаси мани қўрқитиб юборди... Нима қивомман ўзи деб ўзимга савол беришга ундади.