Сайтимиз техник маъмури Шахризод тарафидан ташкил қилинган илк ўзбек интернет радиоси "Соғинч садоси" 16-январь куни 2 ёшга тўлиши муносабати билан, 15-январь кечаси соат 23:59да "Сайёд-шоу"нинг байрамона сонида талабларга биноан Озода Саидзода билан "Гўзал кечалардан" дастури совға сифатида тақдим этилди.
Мазкур радиога 2012 йилнинг янги йилги байрамона сонида Юлдуз Усмонова билан "Сити макон"да ўтказилган "Сайёд-шоу" қилингани хам ёдингизда бўлса керак. "Соғинч садоси" икки йиллик байрамига радионинг маъмурияти ва мухлислари тарафидан нолалар қироличаси Озода сўралган эди.
Дастурни "Гўзал кечаларда" деб номлаганимиз, хамда у 15 январьдан 16-январьга ўтар кечаси режалаштирилгани боис, "Сайёд-медиа" реклама ва пиар бўлимидан Шахло Қодирова ва Нодира Махмудовалар, дастур он-лайн эфирга чиқадиган хона бўлган "Сайёд-медиа" марказининг реклама бўлимини росмана "Гўзал кечаларда" стилида безашибди.
Дастурга Озода синглиси Нилуфар, унинг ўғли ва Озодага жиян бўлган Абдуллох хамда , Озоданинг шогирди Ноила Ғаниевалар билан ташриф буюришди.
Озоданинг сўнгги янгиликларидан, альбом тақдимоти ва турмуш қураётгани хақидаги хабарларга ойдинлик киритиш билан бошладик.
Озода шу жойида жудаям уялганини яширмади.
Дастур давомида Озода бир неча бора жонли куйлаб берди.
Айниқса Ноила Ғаниева билан биргаликда куйлаган Озарбайжонча қўшиғи кайфиятни кўтарди.
Янги қўшиқларидан парчалар билан биргаликда, мухлислар талабига биноан "Битсин уруш" қўшиғидан хам парча куйлаб берди. "Битсин уруш, бўлди-бўлди. Дунё ғамга тўлди-тўлди. Энди қандай яшайман, ёлғизгина болам ўлди"...
Озода билан боғлиқ деярли хамма саволларга, айниқса провокацион ва жанжалли, хаттоки, керак бўлса сийқаси чиққан мавзуларга хам қайта жавоблар олинди.
Наргиза Зокировадан жахлим чиққач, қўшиғини хам эшитмадим. Озоданинг Наргиза Зокирова хақидаги кескин танқиди мухлислар саволига биноан бўлиб, унинг жавобидан мухлислар Озодани "узиб " олишди. "Наргизани имиджини танқид қиласизу, аммо Хоразмдаги ўзингизни рақсингизчи?" Озода портлади...
Юлдуз ва Озода сахнада бўлган даврлар хам ёдга олинди....: Ёмонлар кетиб яхшилар келдими? Шунча санъаткорлар йўқ, нимага эришишди?
Хуллас, мингта гапдан бир видео кўрган афзал! Видеони қуйида томоша қилишингиз мумкин бўлади, кейинроқ аудиони хам тақдим этамиз.
|