11 октябр куни  соат 13:00 да "Ўзбекнаво” эстрада бирлашмаси тарафидан катта мажлис ташкил этилди. Ушбу йиғилишга рўйхатда маълум қилинишича, таклиф этилганлар 78 та  санъат олами вакиллари ва 10 га яқин эстрада гурухларини  ташкил   этди. 

Мажлисда кўринганлар орасида эса уларнинг кўпчилик қисмининг ўзлари бўлмасада, маъмурлари ташкил этди.

  Йиғилишда иштирок этганлардан Махмуд Намозов, Дилдора Ниёзова, Рухшона, Иззатилла Ибрагимов, Сайёра Қозиева, Дилсўз, Тамила, Элдидо гурухи, Ғиёс Бойтоев, Собиржон Мўминов, Анвар Ғаниев, Лола Ахмедова, Ёдгор Мирзажанов, Феруза Нодирова, Абдували Ражабов, Фирдавс Пазлетдинов, Умидахон, Шахноза Отабоева,  Даврон Эргашев, Илхом Фармонов,  Ботир Қодиров, Умид Шахобов, Мирабзал Хусанов, Тохир Усмонов, Умар Шамсиев, "Давр” гурухи ва бошқаларни, хамда уларнинг маъмурларини  кўриш мумкин эди.

   Мажлиснинг илк ва энг мухим мавзуси хозирда давом этаётган Миллий бойлигимиз бўлмиш, пахта мавсумидаги санъат вакилларининг иштироки хақида бўлди.  "Ўзбекнаво” эстрада бирлашмаси рахбари томонидан  пахта мавсумида хонандаларнинг иштироки ўта мухимлиги,  пахтароклар учун кўрсатилиши керак бўлган маданий хордиқ қанчалик зарурлиги, ва бунда  санъат вакиллари учун бироз қулайлик бўлиши учун эндиликда хонандаларнинг вақти ва имкониятига қараб рўйхат тузилиши хақида айтиб ўтилди. Алоҳида эътироф этиб эса, бу юкланган вазифаларни бажаришдан қочиб юрган бир нечта хонандалардан ва янги ташкил этилган гурухлардан хам борлиги хақида  айтилди.

Мисол тариқасида эса, Жасур Умировни келтириб, "Ўзи Ўзбекистон мустақиллиги байрами сабабли яқиндагина қайтариб берилган лицензияси,  биз берган вазифаларни бажармай, ўзини касал деб баҳоналар қилгани учун яна қайтариб олинди”, ─ деди ва унинг "Маша” қўшиғи хақида ўзининг танқидий фикрларини баён этди.

    Йиғилиш давомида, яқинда ташкил этилиши кутилаётган "Сафар муборак, пахтакорлар” концерт дастурига  қатнашиш учун мавзуга оид яхши қўшиқлар ёзиш ва ўз қўшиқларини  тақдим этишлари кераклиги хақида айтилди   ва Ўзбекистон Республикаси Конститутцияси қабул қилинган кунига, конституцияга оид, конституцияда келтириб ўтилган мавзуларга тегишли, ушбу байрамга бағишланган қўшиқларни хам яратиш таклифи киритилди.

   Пахта мавсумида эса доимий ва фаол қатнашганлар эса махсус совғалар билан тақдирланишди. Тақдирланганлар рўйхатидан Озодбек Назарбеков, Абдурашид Йўлдошев, Алишер Файз, полковник Шухрат Дадажонов, Сайёра Қозиева, Дилсўз, Тамила, Хуршида Жўраева, Сурхон гурухи, Ширин Маматова, Севара Дониёрова, Мақсуд Жабборов, Дилфуза Қобилова, Дурдона гурухи қизлари ва бошқалар жой олишди.

   Ушбу йиғилишда "Ўзбекнаво” эстрада бирлашмасининг 2013 йилдаги стипендиантлари хам эълон қилиниб, карточкада мавжуд маблағи билан тақдирландилар. Улар: Гуласал Абдуллаева, Акмал Ибодов ва Ирода Юсуповалар бўлишди.

      Йиғилиш сўнггида санъат вакилларидан фикрлар ва таклифлар кутиб қолиниши эслатилиб, яхши кайфиятда йиғилиш якунига етказилди. 

Репортажни "Сайёд-медиа" маркази пиар ва реклама бўлими рахбари Шахло Қодирова тайёрлади.

Суратлар муаллифи "Сайёд-медиа" маркази фотографи Абдурахмон Содиқов.